“ჩვენი ამბიციები გვაქვს და გვსურს, რომ ამ თამაშშიც წარმატებას მივაღწიოთ”, – განაცხადა საქართველოს ეროვნული საფეხბურთო ნაკრების თავდამსხმელმა ბუდუ ზივზივაძემ პორტუგალიასთან თამაშის წინ.
“მადლობა გულშემატკივრებს, ვინც ჩამოვიდა გერმანიაში, საოცარი გარემო იყო ორივე თამაშზე.
კიდევ ერთი ფინალი გვაქვს, ასე რომ ვთქვათ, იმიტომ რომ თუ გავიმარჯვებთ გავდივართ ჯგუფური ეტაპიდან, ვითამაშებთ პლეიოფში, რაც ძალიან დიდი მიღწევა იქნება ქართული ფეხბურთისთვის. ამისთვის ფეხბურთელები მზად ვართ და ყველაფერს გავაკეთებთ, რომ საქართველოს კიდევ ერთი სიხარული მოვუტანოთ.
დანარჩენი უკვე 26-ში მოედანზე გამოჩნდება, რადგან ვიცით, რომ პორტუგალია კლასით მაღალი გუნდია – ერთ-ერთ ფავორიტია ჩემპიონატის, თუმცა ჩვენც ჩვენი ამბიციები გვაქვს და გვსურს, რომ ამ თამაშშიც წარმატებას მივაღწიოთ”, – განაცხადა ზივზივაძემ.
