შავი დღეა ქართული დემოკრატიისთვის… კანონის მიღება ფუნდამენტურად შეცვლის საქართველოს აშშ-სთან ურთიერთობებს” – 11 ამერიკელი სენატორის განცხადება

შავი დღეა ქარ­თუ­ლი დე­მოკ­რა­ტი­ის­თვის, – ამის შე­სა­ხებ სა­ერ­თო გან­ცხა­დე­ბას 11 ამე­რი­კე­ლი სე­ნა­ტო­რი ავ­რცე­ლებს.

სე­ნა­ტო­რე­ბი აღ­ნიშ­ნა­ვენ, რომ ღრმად იმედ­გაც­რუ­ე­ბუ­ლე­ბი არი­ან, თუმ­ცა ინარ­ჩუ­ნე­ბენ ქარ­თვე­ლი ხალ­ხის რწმე­ნას, რომ­ლე­ბიც თა­ვი­ან­თი ქვეყ­ნის ნა­თე­ლი მო­მავ­ლის­თვის იბ­რძვი­ან,”

“შავი დღეა ქარ­თუ­ლი დე­მოკ­რა­ტი­ის­თვის. ღრმად იმედ­გაც­რუ­ე­ბუ­ლე­ბი ვართ სა­ქარ­თვე­ლოს პარ­ლა­მენ­ტის მიერ რუ­სუ­ლი სტი­ლის უცხო­უ­რი აგენ­ტე­ბის კა­ნონპ­რო­ექ­ტის მი­ღე­ბით. ეს კენ­ჭისყრა გა­ი­მარ­თა ასო­ბით ათა­სი ქარ­თვე­ლის სურ­ვი­ლე­ბის დარ­ღვე­ვით, რომ­ლე­ბიც აგ­რძე­ლე­ბენ მშვი­დო­ბი­ან პრო­ტესტს კა­ნონპ­რო­ექ­ტის წი­ნა­აღ­მდეგ, რო­მე­ლიც არა მხო­ლოდ სი­ტყვის თა­ვი­სუფ­ლე­ბის შე­ზღუდ­ვის­თვის იქ­ნე­ბა გა­მო­ყე­ნე­ბუ­ლი, არა­მედ სა­ქარ­თვე­ლო­ში დე­მოკ­რა­ტი­ის წინსვლას შე­ა­ფერ­ხებს. ეს კა­ნო­ნი, რო­მე­ლიც მო­ი­თხოვს, რომ ყვე­ლა ორ­გა­ნი­ზა­ცი­ამ, რო­მე­ლიც თა­ვი­ან­თი ბი­უ­ჯე­ტის 20%-ზე მეტს სა­ზღვარ­გა­რე­თი­დან იღებს, უცხო­ურ აგენ­ტე­ბად და­რე­გის­ტრირ­დნენ, ჩა­ახ­შობს სა­მო­ქა­ლა­ქო სა­ზო­გა­დო­ე­ბის მნიშ­ვნე­ლო­ვან მუ­შა­ო­ბას ქვე­ყა­ნა­ში, სა­დაც მწი­რი და­ფი­ნან­სე­ბაა. ამ კა­ნო­ნის მი­ღე­ბა ფუნ­და­მენ­ტუ­რად შეც­ვლის სა­ქარ­თვე­ლოს აშშ-სთან ურ­თი­ერ­თო­ბებს და ევ­რო­კავ­შირ­ში წევ­რო­ბის მის­წრა­ფე­ბებს და­ა­ზი­ა­ნებს.

რო­გორც პრე­მი­ერ-მი­ნის­ტრ კო­ბა­ხი­ძი­სად­მი წე­რილ­ში გაფრ­თხი­ლე­ბა გა­ვავ­რცე­ლეთ, ამ კა­ნონპ­რო­ექ­ტის მი­ღე­ბა სა­ჭი­როს გახ­დის კონ­გრე­სის მიერ აშშ-ის სა­ქარ­თვე­ლოს მი­მართ პო­ლი­ტი­კის გა­და­ხედ­ვის გან­ხილ­ვას, რათა სა­ქარ­თვე­ლო­ში ახა­ლი პო­ლი­ტი­კუ­რი ლან­დშაფ­ტი ასა­ხოს. რო­გორც წი­ნას­წარ გაფრ­თხი­ლე­ბა გა­ვავ­რცე­ლეთ, ეს ზო­მე­ბი შე­იძ­ლე­ბა მო­ი­ცავ­დეს სან­ქცი­ებს მათ წი­ნა­აღ­მდეგ, ვინც პა­სუ­ხის­მგე­ბე­ლია დე­მოკ­რა­ტი­ის­თვის ძი­რის გა­მო­თხრა­ზე, ვი­ზის აკ­რძალ­ვებ­სა და ამე­რი­კუ­ლი პირ­და­პი­რი დახ­მა­რე­ბის გა­და­ხედ­ვას. რო­გორც კონ­გრე­სის წევ­რე­ბი, რომ­ლებ­საც ქარ­თვე­ლი ხალ­ხის ღრმა სიყ­ვა­რუ­ლი გვაქვს და რომ­ლე­ბიც ვიბ­რძო­დით ძლი­ე­რი ორ­პარ­ტი­უ­ლი და ორ­მხრი­ვი კავ­ში­რე­ბის­თვის, ჩვენ გა­ვაგ­რძე­ლებთ ხალ­ხის მხარ­და­ჭე­რა­სა მათი ხმის ამაღ­ლე­ბას – რო­მელ­თა­გან 79% თან­მიმ­დევ­რუ­ლად უჭერს მხარს ევ­რო­კავ­შირ­ში წევ­რო­ბას. მი­უ­ხე­და­ვად იმი­სა, რომ დღეს შავი დღეა, ჩვენ ვი­ნარ­ჩუ­ნებთ ქარ­თვე­ლი ხალ­ხის რწმე­ნას, რომ­ლე­ბიც თა­ვი­ან­თი ქვეყ­ნის ნა­თე­ლი მო­მავ­ლის­თვის იბ­რძვი­ან,” – ნათ­ქვა­მია გან­ცხა­დე­ბა­ში.

ორ­პარ­ტი­უ­ლი გან­ცხა­დე­ბის ხელ­მომ­წე­რებს შო­რის არი­ან სე­ნა­ტო­რე­ბი: ჯ იმ რიში (რეს­პუბ­ლი­კე­ლი), ჯინ შა­ჰი­ნი (დე­მოკ­რა­ტი), ბენ კარ­დი­ნი (დე­მოკ­რა­ტი), კრის კუნ­სი (დე­მოკ­რა­ტი), დიკ დურ­ბი­ნი (დე­მოკ­რა­ტი), რო­ჯერ უი­კე­რი (რეს­პუბ­ლი­კე­ლი), ტიმ კე­ი­ნი (დე­მოკ­რა­ტი), რი­ჩარდ ბლუ­მენ­თა­ლი (დე­მოკ­რა­ტი), პიტ რი­კეთ­სი (რეს­პუბ­ლი­კე­ლი), ლინდსი გრე­მი (რეს­პუბ­ლი­კე­ლი) და ტომ ტი­ლი­სი (რეს­პუბ­ლი­კე­ლი).