2024 წლის სექტემბერი არაერთი მნიშვნელოვანი ასტროლოგიური მოვლენით იქნება დატვირთული, რაც, როგორც ასტროლოგები ამბობენ, თითოეული ადამიანის ფინანსურ მდგომარეობასა და სოციალურ საკითხებზე დიდ გავლენას მოახდენს. 3 სექტემბერს ქალწულის ნიშანში ახალი მთვარე გველოდება. 25 სექტემბერს კი მოულოდნელი ფინანსური სიურპრიზი და გამართლება გველოდება. მნიშვნელოვან გავლენას მოახდენს შემოდგომის დაბნელების დერეფანიც, რომელიც 18 სექტემბრიდან დაიწყება. ზოდიაქოს ამ 4 ნიშანს კი სექტემბრის თვეში ფინანსური თვალსაზრისით ყველაზე მეტი ცვლილება და სიახლე ელის:
ქალწული
ლომი
ქალწულის ნიშანში ახალი მთვარე ლომის ნიშნის წარმომადგენლებს ფინანსური თვალსაზრისით მნიშვნელოვან ცვლილებებს მოუტანს. ამ პერიოდში თქვენი ნებისმიერი წამოწყება იმაზე წარმატებული და მომგებიანი იქნება, ვიდრე შეიძლება, იფიქროთ. ახლა გაქვთ შანსი, თქვენი ბევრი ოცნება რეალობად გადააქციოთ. შესაძლოა, მოულოდნელი ფინანსური სიურპრიზი, ბონუსი, დაწინაურება მიიღოთ და თავი ბედნიერად იგრძნოთ. თუმცა, ასტროლოგები გირჩევენ, რომ საკუთარ ხარჯებს ყურადღებით დააკვირდეთ და გააკონტროლოთ.
სასწორი
26 სექტემბერს პლანეტა მერკური თქვენს ნიშანში გადავა და თქვენთვის ერთ-ერთი ყველაზე ხელსაყრელი პერიოდი დაიწყება. ფინანსური თვალსაზრისით, დაწინაურდებით და ბევრად უფრო მეტ სარგებელს ნახავთ. ასევე, ადამიანებთან ურთიერთობა გაგიმარტივდებათ, კომუნიკაციის დამყარებას გაცილებით ადვილად შეძლებთ და საკუთარ სურვილებსა და მოსაზრებებსაც უფრო თამამად გამოხატავთ. გარდა ამისა, გაზრდილი შემოსავლის ფონზე, გაქვთ შანსი, ფული თქვენი ოცნების პროექტში ან განათლებაში ჩადოთ და კიდევ უფრო მეტ წარმატებას მიაღწიოთ.
მორიელი
23 სექტემბერს პლანეტა ვენერა თქვენს ნიშანში გადავა, რის გამოც შესაძლოა, თქვენი ფინანსები მნიშვნელოვნად გაუმჯობესდეს. საქმე ისაა, რომ ვენერა ჩვენს ფინანსებსა და ეკონომიკურ მდგომარეობაზეა პასუხისმგებელი. მოგებისა და წარმატების გაცილებით მეტი შანსი გექნებათ. ამავდროულად, სასწორის მსგავსად, გაზრდილი ფინანსური შესაძლებლობის ფონზე, შეგიძლიათ, განახორციელოთ ის საქმეები, იდეები, რომელთა განხორციელებაც სულ გინდოდათ, მაგრამ ფინანსურ მხარდაჭერას ვერ პოულობდით.
